"الإيمان بالذات _Solipsism "

_الإيمان بالذات هو الثقة بالنفس هو إيمان الانسان بنفسه وقدراته وأهدافه.

نص البنات هسي ما واثقين في نفسهم ولا في قراراتهم وكلوو بسبب كلمه اتقالت ليهم...

"سمينه، سلك اقاشي، غبية، جاهله" وغيرهم ف نحنا بطبعنا ك بنات عندنا حساسية بزيادة.....

والنص التاني بكون ما واثقين في قراراتهم ولا افكارهم دائماً عندها حاجة بتخليهم م واثقين عندهم حاجز او خوف من الفشل او عدم تقبل المجتمع ليهم ولا ليه افكارهم وانا للأسف الشديد كنت من النوع ده دائماً كنت بخاف انشر كتاباتي او اقول حتى رأيي في حاجة بخاف اقوله لحد ما شخص مميز كده تاقتني في بوست وقالت "ماف شئ إنتي بس مختلفة ❤️"...

وح انتوا كمان مختلفين كل واحدة فيكم عندها البميزها عن الباقيين ، في الجميلة ، وفي القلبها ابيض ، في الضحكتها تجنن وفي العيونها حلوة ، وفي الحنونة بس انتوا محتاجين انه تثقوا في نفسكم وفي قدراتكم... 

الحل؟! 

_أقفي قدام المرايه وقولي" l can do " ح تقدري لأنك ببساطة قادره على التحدي والمواجهة✨... 

_حبي نفسك شديد ودلليها .. 

اتعلمي ، اتثقفي ، اتطوري، واجهي، اقوي ، اكسري الصعاب ..

اتعلمي حاجات جديدة كل يوم ..اكسري الروتين واطلعي خارج الصندوق ..

حبي شغلك ، واعشقي نفسك وابتسامتك ، حافظي على قيمك ، رتبي اهتماماتك ، خليكي واثقة في نفسك شديد✨❤️

_خليك دايماً مبسوطة ومتفائلة انك اجمل ومافي اجمل منك، اتصالحي مع ذاتك✨❤️

"اثبتي وجودك ، اصنعي اثر في حياتك وفي المجتمع الحولك✨" 

#بقلميي_فاطمة_ياسر 

#يوميات_انثى2